Францускиот претседател Емануел Макрон утре телефонски ќе разговара со неговиот руски колега Владимир Путин, а денеска со шефот на украинската држава Володимир Зеленски, за цел повторно да се направи обид „за избегнување на најлошото“ во Украина, јави дописникот на МИА.
Ова го соопшти Елисејската палата, според која „неопходно е да се обиде сè, да се направи сè за да не се случи најлошото“.
Француското претседателство притоа соопшти дека постои „опасност од руска инвазија на украинска територија под контрола на владата на Киев, а не само на проруските сепаратистички територии во источна Украина“.
Извор: МИА