Нашите сограѓани со право се грижат, војната се враќа во Европа, изјави францускиот претседател Емануел Макрон за телевизијата ЛЦИ.
Тој притоа додаде дека „Франција не е во војна со Русија“, јави дописникот на МИА од Париз.
Според него, „грижата на Французите мора да се претвори во акција, а не во неволја“.
„Ќе продолжиме да вршиме дипломатски притисок за да престане оваа војна. Она што сакаме е да ставиме крај на оваа војна без да станеме воинствени“, рече Макрон.
Тој смета дека украинската криза ја открива потребата од политичка, воена и енергетска независност на Европската унија.
„Ситуацијата се влошува секој ден. Луѓето умираат, заморот доаѓа… Не успеавме да постигнеме прекин на огнот“, истакна францускиот претседател.
Извор: МИА