Израелското Министерство за внатрешни работи денеска соопшти дека им ги укина визите на 27 француски левичарски функционери и парламентарци, два дена пред нивното патување во Израел.
Израелското министерство соопшти дека визите на 27 француски функционери се укинати според законот кој им дозволува на властите да забранат влез во земјата на луѓе кои би можеле да дејствуваат против државата Израел, објави Тајмс оф Израел.
Делегација на француски официјални лица го осуди „колективното казнување“, како што го нарекоа укинувањето на визите за Израел, а некои од нив напишаа писмо до францускиот претседател Емануел Макрон.