Францускиот претседател Емануел Макрон денеска изјави дека Франција во изминатите неколку недели била мета на руски хибридни напади.
Макрон, на прес-конференција по состанокот со лидерите на политичките партии застапени во парламентот, рече дека смета оти „природата на руската агресија се менува“.
Како примери за промената на природата на заканата што доаѓа од Кремљ, Макрон ги наведе нападите врз железничката линија Полска-Украина, навлегувањето на дронови во воздушниот простор на соседните земји, како и обидот за напад со дрон врз аеродромот во Лајпциг.
Макрон најави европски „план за заштита“ од дронови и посочи дека побарал од претставниците на државата во департманите да ја зголемат будноста.
