Мајкрософт купува компанија за игри за речиси 70 милијарди долари

Од:

Мајкрософт денеска соопшти дека ќе го купи гигантот во индустријата за видео игри, компанијата Активижн Близард (Activision Blizzard), за 68,7 милијарди долари и тоа во готовина.

dobivaj vesti na viber

Договорената цена значи дека Мајкрософт ќе плати 95 долари по акција на Активижн.

Акциите на Активижн скокнаа за 27 отсто на Њујоршката берза по објавувањето на веста, додека акциите на Мајкрософт паднаа за помалку од 1,0 отсто.

Доколку се реализира аквизицијата, тоа ќе биде досега најголемото преземање на Мајкрософт, по купувањето на ЛинкдИн (LinkedIn) во 2016 година за 26,2 милијарди долари.

Активижн, познат по популарните видео игри како Call of duty, Diablo и други, се најде во центарот на вниманието на јавноста во последните месеци поради извештаите за сексуално недолично однесување и малтретирање од страна на одредени директори. Компанијата во понеделникот соопшти дека отпуштила десетици директори по спроведената истрага.

Според договорот, извршниот директор на Активижн, Боби Котик, чија оставка се бараше поради проблемите со односот на шефовите кон вработените во неговата компанија, и во текот на транзицијата ќе остане генерален директор.

Извор: МИА

Би можело да ве интересира

Мајкрософт: Цел на руска информативна шпионажа се 42 земји кои и помагаат на Украина

А1он

Гугл прекинува со рекламите во Русија, Мајксрофот со услугите и производите

А1он

ЕК одобри Мајкрософт да ја купи „Нуанс“ за 16 милијарди долари

Ана Ололовска

Рекорден нето профит на „Мајкрософт“ од преку 20 милијарди долари

Ана Ололовска

Мајкрософт го затвори Линкедин во Кина

Катерина Павлова-Николовска

Мајкрософт и Линкедин го одложија враќањето на вработените во канцелариите

Ана Ололовска