Претседателот на Венецуела Николас Мадуро го обвини поранешниот претседател на Колумбија Алваро Урибе како и поранешните заменик државни секретари на САД, Роџер Нориега и Ото Рајх дека планирале негово убиство.
– Тие имаат планови да ме симнат од власта. И планови за моја физичка ликвидација, но нема да ја постигнат целта, изјави Мадуро.
– Урибе кова заговор да ме убие, тој е убиец, додаде венецуелскиот претседател кој вели дека има доволно докази дека поранешниот претседател на Колумбија „дејствува заедно со десните сили во Венецуела“.