Девет лица, меѓу кои деца и полицајци, се пренесени во болница откако врз нив била фрлена „корозивна супстанца“ во јужен Лондон, соопшти лондонската полиција.
Мажот-напаѓач е виден како бега на авенијата Лесар во Ламбет по ужасниот инцидент, јави Би-Би-Си.
Жена и нејзините две мали деца се пренесени на лекување во болница. На три други лица, за кои се верува дека им пришле на помош, исто така им била потребна медицинска нега. Тројца полицајци кои реагирале на инцидентот се здобиле со полесни повреди.
Лондонската полиција соопшти дека никој не е уапсен, но дека се користат полициски хеликоптери за потрага по напаѓачот.
Детективскиот надзорник Александар Касл рече: „Додека се во тек тестовите за да се утврди што е супстанцијата, во оваа фаза веруваме дека станува збор за корозивна супстанција“.
На местото на нападот се наоѓаат противпожарни возила и амбулантни возила. Полицијата соопшти дека ќе обезбеди ажурирање за состојбата на повредените што е можно поскоро.