Гувернерот на руската област Брјанск Александар Богомаз објави дека „украинските сили отвориле оган врз станбени згради во тој регион“ кој е во близина на украинската граница недалеку од градот Чернихов.
– Вооружените сили на Украина денеска го гранатираа Климово. Од гранатирањето оштетени се две станбени згради, а меѓу жителите има и жртви. На лице место работат надлежните служби, Министерството за вонредни состојби. Луѓето сега ја добиваат сета потребна медицинска нега, напиша Богомаз на социјалните мрежи.
Претходно руските власти соопштија дека е гранатирана станица на руската гранична полиција. Во нападот биле оштетени неколку возила, тврдат Русите.
Информациите не можат да се потврдат од независни извори.
Извор: МИА