Лидерот на британската Либерално-демократска партија, Тим Фaрон, денеска поднесе оставка заради незадоволителни резултати на минатонеделните избори во Велика Британија, но и заради своите верски убедувања.
-Да се биде политички лидер и да се живее како посветен христијанин во склад со Библијата за мене беше невозможно, рече тој.
Тој додаде дека бил растргнат меѓу политичкиот и верски живот во контекст на прашањето дали се согласува со позитивниот став на неговата партија за истополните заедници, пренесоа француските медиуми.
Либералдемократите освоија 12 места во новиот британски Парламент што е четири повеќе отколку во 2015 година, но воедно и разочарувачки за некои членови на партијата, кои очекуваа подобри резултати.