Лидерите од ЕУ ќе бараат од Велика Британија да им одобри постојан престој на европските државјани, кои ќе пристигнат во земјата пред 2019 година и ќе можат да останат уште пет години, пишува во предлог преговарачкиот план, кој ќе биде одобрен претстојниот викенд.
Според западните медиуми, ова е најнов обид на Брисел да изврши притисок врз британската премиерка Тереза Меј да ги гарантира правата за околу три милиони граѓани на ЕУ, кои живеат во Британија, и по излезот на земјата од Унијата.
Документот, кој е составен од девет страници, е изменет со цел да се појасни дека не постојат гаранции оти идниот договор меѓу Унијата и Британија за слободна трговија ќе и овозможат на Велика Британија пристап до финансиските служби на ЕУ.