Лавров: Зеленски стана нацист, а Европа сака борбите да продолжат

Од:

Украинскиот лидер Володимир Зеленски по доаѓањето на власт се претвори во „чист нацист“ и предавник на Евреите, изјави рускиот министер за надворешни работи Сергеј Лавров во интервју за руска Звезда. Шефот на руската дипломатија смета дека украинскиот претседател станал таква личност за шест месеци.

Лавров рече дека Зеленски бил претворен во „нацист“ од неговите европски сојузници. Како што тврди, тие прво го доведоа Петро Порошенко на власт, а потоа и Зеленски.

Актуелниот украински лидер, според министерот, дошол на власт со пароли за мир и барања „да се остави на мир рускиот јазик“. Потоа, за само шест месеци, тој беше „потикнат“ да направи пресврт од 180 степени.

„Зеленски се претвори во чист нацист и, како што со право рече рускиот претседател Владимир Путин, предавник на еврејскиот народ“, рече Лавров.

Тој додаде дека Европа сака борбите да продолжат. Со своите предлози за распоредување мировни сили на украинска територија, земјите сакаат да го „поддржат“ Зеленски, истакна шефот на руското МНР.

Претходно американскиот претседател Доналд Трамп изјави дека Зеленски е неизбран диктатор. Тој го обвини политичарот и за исчезнување на американските пари што Вашингтон му ги додели на Киев.

Би можело да ве интересира

Зеленски ги повикува европските партнери да помогнат во плаќањето на украинските војници

Брунер: Путин да ја користи миграцијата како оружје против Европа

Гнев на улиците во Киев: Зеленски го нарекуваат „предавник“

Зеленски: Притисокот врз Русија не слабее, подготвуваме повеќе проблеми за непријателот

Политико: Украина има нов подмолен непријател – сопственото државно раководство

Горан Наумовски

Зеленски: Како одговор на предлогот за прекин на огнот, Русија продолжи со нападите врз цивилни цели