Претседателот на САД, Доналд Трамп, негираше дека на САД им е потребна помош од Украина во борбата против иранските дронови „Шахед“.
Украинскиот претседател, Володимир Зеленски, на 5 март изјави дека ќе испрати експерти во САД за борба против иранските дронови, но Трамп денес изјави дека не му е потребна никаква помош.
„Сами го решаваме проблемот. Знаеме повеќе за дронови од кој било друг. Всушност, ги имаме најдобрите дронови во светот“, рече Трамп на „Фокс њуз“.
Израел и САД го нападнаа Иран во саботата, 28 февруари, во раните утрински часови во воената операција „Епски бес“. Врховниот лидер на Иран, Али Хамнеи, и поранешниот ирански претседател Махмуд Ахмадинеџад беа убиени во нападите.
