Рускиот министер за надворешни работи Сергеј Лавров смета дека состанокот на рускиот и американскиот претседател Владимир Путин и Доналд Трамп треба да биде добро подготвен и оти тој е неопходен за да се постигнат конкретни резултати, а не заради сензации.
– Потребни ни се состаноци, а и на Американците исто така, не поради надворешни ефекти или само, да речеме, сензации, нагласи Лавров во интервју за телевизијата Мир.
Тој напомена дека состанокот на лидерите е важен не само поради ракување, туку и поради размена на мислење за билатералните односи, но и меѓународните проблеми.
– Русија и САД имаат мошне силно влијание врз меѓународната стабилност и безбедност, така што другите сигурно ќе чекаат јасни резултати од тој состанок. Со цел тоа навистина да биде така, потребно е состанокот да биде добро подготвен и тоа е нешто на кое работиме, рече Лавров, кој престојува во Вашингтон, каде ќе се состане со американскиот државен секетар Рекс Тилерсон, но и со Трамп.
Тој додаде дека двајцата претседатели воспоставиле контакт и дека три пати разговарале телефонски.