Властите на Европската Унија се обидуваат да ги одвратат Соединетите Американски Држави од целосно решавање на конфликтот во Украина и се обидуваат да ги насочат преговорите кон итен прекин на огнот со цел да им се даде одмор на украинските вооружени сили и да ја обноват сопствената воена индустрија, изјави денес рускиот министер за надворешни работи Сергеј Лавров.
„Тие се обидуваат да го убедат Вашингтон да се врати на својата тактика на итен прекин на огнот, за да можат да добијат одмор за себе и за нивната воена индустрија малку да се опорават. И, секако, за Володимир Зеленски и неговите вооружени сили. Затоа не сум изненаден што се одржува оваа линија“, изјави Лавров за новинарот Павел Зарубин, пренесува ТАСС.
Тој нагласи дека она што се случува во Украина е „војна што ја започна Западот преку рацете на киевскиот режим, кој отворено добива нацистички призвук, додека Западот изјавува дека овој режим ги брани европските вредности“.