Коронавирусот носи десетпати поголем ризик за згрутчување на крвта отколку вакцината

Од:

Истражување спроведено на 500.000 пациенти кои заболеле од Ковид-19 покажа дека згрутчување на крвта се јавило кај 39 лица на милион заразени, соопштија научници.

Тие велат дека ризикот од појава на ретка церебрална венска синусна тромбоза (ЦВСТ) е осум до десет пати поголем по зараза со коронавирус отколку по примањето на некоја од постоечките вакцини против Ковид-19.

Истражувачкиот тим од Оксфорд, кој потенцира дека студијата е работена независно од тимот што ја разви вакцината АстраЗенека, соопшти дека ги споредиле податоците со Европската агенција за лекови, според кои пет лица на милион добиле ЦВСТ по вакцината АстраЗенека.

– Ризикот од појава ЦВСТ по Ковид-19 се чини дека е значително поголем отколку што беше по приемањето на вакцината Оксфорд/АстраЗенека, изјави пред новинарите Максим Такет од Оксфорд.

Такет рече дека стапката на смртност од ЦВСТ е околу 20 проценти без разлика дали се случила по инфекција со коронавирус или добиена вакцина, што укажува на тоа дека згрутчувањето е главен фактор на ризик.

Истражувачите истакнаа дека Ковид-19 е повеќе поврзан со мозочен удар отколку со ЦВСТ и дека сегашната дебата за вакцините ја испуштила од вид можноста за појава на потешка форма на болеста.

– Важноста на ова откритие е дека се враќа на фактот дека ова е навистина страшна болест, со цела низа појави, вклучително и зголемен ризик од ЦВСТ, рече Џон Гедес, директор на истражувачкиот центар НИХР.

Би можело да ве интересира

ВИДЕО: Со 130 гости, без невеста и младоженец, се одржува пилот-свадба во Хрватска

Мери Јордановска

Италија: По примање прва доза вакцина, смртноста од Ковид-19 намалена за 95 отсто

Мери Јордановска

Во Албанија над 200 илјади лица примиле две дози од вакцината против Ковид-19

Ана Ололовска

Берлин ја враќа Британија во списокот на држави со висок ризик од Ковид-19

Ана Ололовска

Од идната недела Црна Гора се отвора за туристи

Ана Ололовска

САД: Целосно вакцинираните луѓе не мораат да носат маски и да држат дистанца

Жарко Настоски