Конвој автобуси за евакуација на цивили од украинскиот град Дебалцево тргна од Доњецк, изјави претставник на министерството за одбрана на самопрогласената Доњецка Народна Република Едуард Басурин.
– Конвојот го напушти градот, на пат е кон Дебалцево. Засега немаме информации за состојбата во деловите на евакуација, изјави Басурин, пренесува ТАСС.
Украинската армија вчера потврди дека примирјето ќе стапи во сила во петок од 9 часот по локално време.
Евакуацијата на цивили ќе почне во 11 часот по локално време, а тие од Дебалцево ќе бидат пренесени во Горловк или Артемовск, изјави Басурин.