Чешки инспектори нашле коњско месо во ќофтиња произведени во Шведска и наменети за рестораните во трговските центри на шведскиот гигант за мебел „Икеа“.
Овие податоци ги соопшти чешката ветеринарска управа, при што се наведува дека ќофтињата ги произведува шведското претпријатие „Дафгорд“ и ги испорачува во голем број трговски центри на „Икеа“ во Европа.
Доколку податоците се точни, тоа е првпат коњско месо да биде најдено во производи од Шведска, пишува „Свенска дагбладет“ на својот сајт.
Според шведскиот Завод за прехрамбени производи, чешки надлежни органи го известиле „Дафгорд“ дека биле направени три анализи, при што во еден случај е најдено коњско месо.
Засега не е познато колкаво количество коњско месо е откриено во споменатите шведски прозиводи.