Да јадеме помалку месо за да се намали ризикот од нови пандемии, порачуваат експерти на ОН

Од:

Јадењето помалку месо не само што би ја заштитило животната средина, туку може и да помогне во намалување на ризикот од нови пандемии, соопшти Програмата за животна средина на Обединетите Нации, објавувајќи го новиот извештај на тинк-тенкот Чатам Хаус (Chatham House).

dobivaj vesti na viber

„Во време кога голем дел од светот продолжува да се бори против пандемијата на Ковид-19, никогаш не било поочигледно дека благосостојбата на луѓето и животните, диви и одгледувани, е испреплетена, рече Филип Лимбери од „Сочувство во светското земјоделство“, организација кое исто така го поддржува овој тинк-тенк.

Доколку екосистемите продолжат да се уништуваат, ќе биде загрозено снабдувањето со храна на голем дел од глобалното население, предупредуваат тие. Потребно е поголемо свртување кон храна од растително потекло за да не сe забрза загубата на биодиверзитетот, додаваат експертите.

Покрај тоа, треба да се заштити повеќе земјиште, а земјоделството треба да стане еколошко, велат тие. Природните екосистеми се повеќе се претвораат во обработливо земјиште и пасишта во последните децении, што доведува до губење на живеалиштата на животните.

– Интензивното одгледување милијарди животни на глобално ниво сериозно ја оштетува животната средина, предизвикува губење на биодиверзитетот и произведува големи емисии на гасови со ефект на стаклена градина што го забрзува глобалното затоплување, рече познатата приматолог Џејн Гудал во изјавата на УНЕП.

Би можело да ве интересира

Пандемијата на Ковид-19 не е последна за човештвото – Гутереш го подготвува светот

СЗО: Светот да се обедини и да донесе тешки одлуки за да се стави крај на пандемијата во 2022

А1он

ОН: Сиромашните земји со години ќе се борат со пандемиската криза

А1он

Повеќе од 4,75 милиони луѓе во светот починаа од коронавирус

А1он

Откриени лилјаци кои носат мутација на коронавирус, се заканува опасност од нова пандемија

А1он

Макрон предупреди дека здравствената криза не е надмината

А1он