Комитетот за финансии на американскиот Сенат денеска гласаше за поддршка на кандидатот на американскиот претседател Доналд Трамп за министер за здравство и човечки услуги, Роберт Кенеди Џуниор, а се очекува целиот Сенат да гласа за потврдување на неговата номинација подоцна оваа недела.
Комитетот гласаше со 14 против 13 по партиска линија по дводневни сослушувања, а доколку номинацијата биде потврдена, Кенеди ќе го води одделот што ќе ги надгледува трошоците за здравствена заштита од повеќе од 3 трилиони долари.
Ова ги вклучува агенциите како што се Администрацијата за храна и лекови и агенцијата задолжена за здравствените програми Медикер и Медикеид, кои обезбедуваат здравствено осигурување на повеќе од 140 милиони Американци, пренесува Ројтерс.