Од 1 до 7 октомври, во текот на неделата на празнувањето на 1 октомври- датумот на на создавање на Народна Република Кина, продажните синџири во Кина остварија промет од 870 милијарди јуани (142 милијарди долари).
Во потрошената сума влегуваат и заработките на рестораните и другите угостителски објекти.
Според податоците на Министерството за трговија, тоа е за 13,6 отсто повеќе отколку минатата година во текот на националниот празник.
Овој период се нарекува и „златна недела“, бидејќи во ова време се и најголемите попусти во Кина. Дури и најскапите ресторани за време на празникот имаат големи попусти.
Во текот на „златната недела“ милиони Кинези заминуваат на одмор. Во тоа време е и најголемата посета на странски туристи на Кина.
Постои уште една „златна недела“ за трговците и купувачите – крајот на јануари и почетокот на февруари, по повод прославата на Кинеската Нова година.