Кина денеска повторно повика на воздржаност на Корејскиот Полуостров, изразувајќи надеж дека сите земји можат да ги изгаснат пламените јазици, а не да долеваат масло на огнот со нови зборови и дела, пренесоа британските медиуми.
Портпаролката на кинеското Министерство за надворешни работи, на денешната редовна прес-конференција повика на мирно надминување на конфликтот.
Севернокорејските државни медиуми соопштија дека лидерот на Северна Кореја, Ким Џонг-ун, ја одложува одлуката за истрелување ракети врз Гуам, очекувајќи да види што ќе направат САД, а јужнокорејскиот претседател Мун Џе-ин кажа дека Сеул со сите средства ќе се стреми да ја спречи војната.