Кина денеска објави потерници за сто високи функционери осомничени за корупција, за кои се верува дека побегнале во странство.
Фотографиите на осомничените објавени се на две страници на весникот „Чајна дејли“, заедно со нивните имиња старост, местото на раѓање, јазикот кој го зборуваат и злосторствата, кои ги извршиле, меѓу кои најчести се примањето мито, корупцијата и измама.
Интерпол издаде наредба за апсење на сите сто функционери, од кои за повеќето се наведува дека побегнале во Канада и САД.