Во последното деноноќие во сепаратистичкиот исток на Украина се убиени петнаесет украински војници, а уште 30 се ранети .
Од почетокот на конфликтот, што трае веќе девет месеци, украинската армијата досега ретко имала толку многу жртви за 24 часа, наведуваат француските медиуми.
-Петнаесет војници се убиени во последното деноноќие и 30 се ранети по целата должина на линијата на фронтот, изјави на прес конференција министерот за одбрана Степан Полторак.
Тој призна дека „бунтовничките одреди делумно го контролираат стратегискиот град Дебалцеве (руско Дебалцево), место кое во последните денови е арена на жестоки броби, а се наоѓа меѓу сепаратистичките престолнини Доњецк и Луганск.
Според Едуард Басурин од воената команда на сепаратистите, единици на сепаратистите ги опколиле околу 8.000 украински војници во Дебалцеве.
Повеќе украински медиуми битката крај Дебалцево ја споредуваат со трагедијата во Иловајск, каде бунтовниците во август опколијаукраински единици и притоа беа убиени над 100 војници.
Министерот за одбрана денеска се огласи на прес конференција во пресрет на денешниот нов круг преговори во Минск меѓу Киев и сепаратистите со учество на претставници од Русија и ОБСЕ, за да се склучи ново примирје, додаваат француските медиуми.