Американскиот државен секретар Џон Кери вчера во тек на посетата на Јордан, изјави дека верува во новиот економски план за развој на палестинското стопанство и очекува раст од 50 проценти во наредните три години.
Според него планот би требало да ја намали невработеноста за две третини и да ја зголеми просечната плата за 40 проценти, но сето тоа зависи од мировните преговори со Израел.
Кери заедно со поранешниот британски премиер Тони Блер и со бизнисмени ширум светот се обидуваат да го оживеат палестинското стопанство.
Зборувајќи на бизнис конференцијата во Јордан, на која присуствуваа и израелскиот претседател Шимон Перес и неговиот палестински колега Махмуд Абас, рече дека се работи за план за трансформација на стопанството кој се разликува од се што до сега е направено.
Тој последниве два месеци се обидува да ги обнови мировните преговори помеѓу Израел и Палестина , но за сега без успех.
Елена Георгиевска