Американскиот државен секретар Џон Кери побара денеска од талибанците во Авганистан да постигнат „чесен договор“ со Владата во Кабул и на тој начин да го следат неодамнешниот пример на озлогласениот воен лидер кој потпиша мировен договор со авганистанските власти.
Кери им порача на талибанските екстремисти да го предадат оружјето, за да можат воените сили предводени од САД да го напуштат Авганистан.
– Постои чесен начин за прекин на талибанските судири, во кои не може да се победи на бојно поле, истакна Кери на меѓународната донаторска конференција во Брисел, посветена на Авганистан.
Според него, мировниот договор кој минатиот месец го склучи Гулбудин Хекматјар, лидер на групата Хезб-и-Ислами и клучна фигура во авганистанската војна во 90-те, служи како „пример дека може се да се постигне“.