Поранешниот кубански лидер Фидел Кастро ја обвини украинската Влада во Киев за соборување на патничкиот авион на малезиската авиокомпанија „Малезиа ерлајнс“.
Во изјава, објавена денеска од државните медиуми, Кастро изјави дека авионот летал над територија контролирана од „агресивната влада“ на украинскиот претседател Петро Порошенко“.
Тој потсети за кубанската помош за Украина по нуклеарната катастрофа во Чернобил и изјави дека Хавана е подготвена да укаже помош и во иднина, но не може да не ги осуди дејствијата на „антируската, антиукраинската, проимперијалистичката влада“ на Порошенко.