Европската унија има потреба од нов стратешки енергетски сојуз со Турција, бидејќи во иднина таа ќе стане клучна земја за транзит на гас, изјави еврокомесарот за климатски и енергетски прашања Мигел Ариас Канете.
Русија планира во иднина да не транспортира „сино гориво“ за ЕУ преку Украина, туку испораката да се врши преку границата на Турција и Грција. Според еврокомесарот, Европската комисија го разгледува овој проект.
– ЕК сега го смета како најважен проектот за „Јужен коридор за гас“. Тој треба да минува преку Турција. Гасот од наоѓалиштето Шахдениз во Азербејџан е во план да се транспортира преку Турција и Грција за Европа, додаде Канете.