Американскиот воен камп „Викторија“ во близина на аеродромот во Багдад е погоден со ракетен напад. Нападот се случи на полноќ меѓу понеделник и вторник.
Според дописникот на Ал-Мајадин од Ирак, досега ниту една група не ја презела одговорноста за нападот. Четири експлозии одекнаа околу кампот, додека сирените се вклучија во базата, јави репортерот.
Се верува дека нападот е форма на одмазда против американската администрација, која ги поддржува израелските воени операции во регионот, вклучувајќи ги Газа, Либан, Јемен и Сирија.
Истиот ден Исламскиот отпор во Ирак или ирачкиот Хезболах изврши четири напади врз израелски цели. Според нивните изјави, важна цел била погодена со ракети „Акраб“, а напади биле извршени и врз клучни цели во Хаифа, пристаништето Хаифа.
Исламскиот отпор во Ирак потврди дека операциите „против непријателските упоришта“ ќе продолжат и ќе се интензивираат во наредниот период.
За потсетување, утринава израелската армија започна офанзива во неколку градови и области во јужен Либан, вклучувајќи ограничени и насочени копнени напади против цели на Хезболах.
Либанската армија се повлече од своите позиции во близина на границата, додека Хезболах соопшти дека е подготвен за копнени борби. Продолжува ескалацијата на конфликтот во целиот регион.