Британскиот премиер Дејвид Камерон го критикуваше можниот избор на Жан Клод Јункер за нов претседател на Европската комисија.
– Ќе кажам дека таквото нешто е бесмислица, не е напад врз Јункер, искусен европски политичар. Мнозинството Европејци не гласаа на изборите за Европскиот парламент. Излезноста забележа пад во поголемиот број држави. Никаде Јункер не беше на гласачкото ливче, пишува Камерон во текстот кој денеска треба да биде објавен во повеќе европски медиуми.
Тој наведува дека со прифаќањето дека Јункер го избрале европските гласачи би се воспоставил опасен преседан.