Претседателот на иранскиот парламент, Мохамад Багер Калибаф, изјави дека Соединетите Држави мора да бидат казнети за злосторствата што ги извршиле против земјата, како и дека мора да ги прифатат легитимните барања на иранскиот народ.
– Соединетите Држави мора да бидат казнети, мора да го променат своето однесување и мора да им се стави до знаење – недвосмислено – дека се должни да ги прифатат легитимните барања на иранскиот народ, рече Калибаф, пренесува „Прес ТВ“ (Press TV).
Тој истакна дека стратегијата на Иран не подразбира ниту бескрајна војна, ниту постојани преговори, туку употреба и на воена сила и на дипломатија, со цел да се принуди противникот да ги прифати неговите барања.