Специјалното јавно обвинителство на Јужна Кореја денеска најави дека разгледува можност негови службеници насила да упаднат во кабинетот на јужнокорејската претседателка Парк Гуен-хје, откако службата на шефицата на државата одби да им овозможи на обвинителите пристап до просториите.
Како што јави агенцијата Јонхап, Обвинителството води истрага во врска со корупциски скандал во кој е вмешана претседателката Парк. Според Обвинителството, Парк се товари дека заедно со нејзината блиска пријателка Чои Сун-сил и соработниците вршеле уцени и притисоци врз големи компании да донираат средства за фондацијата, која ги поддржува политичките иницијативи на шефицата на државата.
Обинителството инфромира дека доставило уредно барање за претрес на претседателскиот кабинет, но дека тоа било одбиено.
Согласно Уставот, Парк ужива имунитет од кривичен прогон се додека ја извршува претседателската функција.