Јапонија денес беше погодена од земјотрес со јачина од 7,4 степени според Рихтеровата скала, објави јапонскиот портал NHK.
Како што е наведено, јачината на земјотресот е 5+ на скала од 1 до 7. Издадено е предупредување за цунами и се очекуваат бранови до три метри.
На жителите во крајбрежните области им е советувано веднаш да се евакуираат и да одат на безбедни локации и повисоки места.
На граѓаните им е кажано да се држат подалеку од бреговите и устието на реките, поради можни поплави.
Според исказите на очевидци објавени на веб-страницата на Европско-медитеранскиот сеизмолошки центар (EMSC), земјотресот траел околу 20 до 30 секунди, а се почувствувало и тресење на зградите.