Јапонија и Турција заеднички ќе реализираат проект за изработка на нуклеарна енергија, чија вкупна вредност ќе изнесува 22 милијарди долари, потврдија во Анкара на заедничката конференција турскиот премиер Реџеп Таип Ердоган и премиерот на Јапонија Шинзо Абе.
Премиерот на Турција Ердоган очекува изградбата на нуклеарната централа да биде готова за десетина години.
-Се надевам дека тој рок ќе може да го намалиме-нагласи тој.
Турскиот премиер со јапонскиот колега разговараше и за Олимписките игри во 2020 година, за чија организација во игра се Турција и Јапонија.
Абе нагласи дека јапонската влада сака на своите граѓани да им го овозможи тоа задоволство.
-Доколку Турција ја добие организацијата, Јапонија прва ќе слави. Но и ако Токио ја добие организација очекувам Турција да слави-истакна тој.
Елена Георгиевска