Израелската воздушна одбрана пресретна уште една балистичка ракета лансирана кон Израел од Јемен, соопшти израелската војска, што е втор ваков инцидент во последните неколку часа.
Во соопштението се вели дека не се активирани сирени „според протоколот“, бидејќи ниту еден град не бил загрозен.
Израелската војска денеска соопшти дека пресретнала ракета лансирана од Јемен кон Израел, откако во неколку области се огласиле сирени за воздушен напад.
Моментално нема извештаи за повредени или причинета материјална штета во овие напади, објавува „Тајмс оф Израел“.
Јеменските бунтовници Хути, кои се поврзани со Иран, продолжија да испукуваат ракети кон Израел во, како што велат, знак на солидарност со Палестинците во Газа, откако објавија дека ги прекинуваат нападите врз американските бродови.