Министерот за финансии на Израел, Безалел Смотрич, во вчерашното гостување на военото радио изјави дека буџетот на земјата за 2023-2024 година „повеќе не е релевантен“ поради конфликтот во Газа и дека ќе биде изменет.
Министерот Смотрич не звучеше вознемирено од намалувањето на рејтингот на Израел од страна на S&P Global од „стабилен“ на „негативен“, пишува Ројтерс. Смотрич процени дека Израел троши околу 1 милијарда шекели дневно за конфликтот во Газа, што е сума од 246 милиони долари.
Министерот за финансии на Израел рече дека сè уште нема проценка за индиректните трошоци за економијата, која е делумно парализирана од масовната мобилизација на армиските резервисти и ракетите истрелани од палестинска страна.
Смотрич го опиша прегледот на S&P објавен во вторникот како „алармантен“, но рече дека не предвидува големи израелски дефицити и покрај кризата.