Израел денеска остро го критикуваше усвојувањето на законот во полскиот Сенат, според кој, изнесувањето тврдења за евентуална вмешаност на Полска во нацистичките злосторства на нејзина територија за време на Втората светска војна, се прогласува незаконско.
– Израел со крајна сериозност гледа на каков било обид да се оспори историската вистина. Ниту еден закон нема да ги промени фактите, напиша портпаролот на израелското Министерство за надворешни работи на Твитер.
Полскиот Сенат рано изутринава го усвои Законот со кој се предвидени казни за изнесување тврдења за учество на Полска во нацистичките злосторства на нејзина територија за време на Втората светска војна.