„Њујорк тајмс“: Европа се одвраќа од Израел, го доживува како агресор

Од:

Европа, која долго време беше најважниот извор на поддршка за Тел Авив, ги преоценува односите со Израел. Шпанија, Ирска и Норвешка ја признаа Палестина како држава, а повеќето влади во ЕУ безусловно го поддржаа барањето на Меѓународниот кривичен суд за апсење на израелскиот премиер и министер за одбрана, пишува „Њујорк Тајмс“.

Еврејската држава сè уште има лојални сојузници во Европа. Сепак, европските земји се соочуваат со зголемен меѓународен и домашен притисок да заземат поостар став и да ги осудат акциите на Израел во Палестина, особено разорната војна во Појасот Газа.

Претходно, Европската Унија тргна кон зближување со Израел, вклучително и зајакнување на финансиското и политичкото партнерство во трговијата и науката. Но, војната во Газа ја промени траекторијата на нивната врска.

Европските симпатии кон Израел по нападите на 7 октомври се намалуваат како што конфликтот продолжува. Хуманитарната ситуација во палестинската енклава се влошува, а Израел за многу луѓе „помалку личи на жртва, а повеќе на агресор“, пишува американскиот весник.

Доколку другите земји од ЕУ го следат примерот на Ирска, Шпанија и Норвешка, блокот би можел да стане главна противтежа на американската позиција дека палестинската државност бара договор со Тел Авив. Како резултат на тоа, јазот меѓу Европа и Израел ќе стане уште подлабок.

Би можело да ве интересира

Седумнаесет лица загинаа во бегалскиот камп Нусејрат

Горан Наумовски

Израел ја бомбардираше Газа, тензиите растат на границата со Либан

Хамас: Никој не знае колку израелски заложници се уште се живи

Руско-израелски новинар доби забрана за влез во Србија: „Ми дадоа документ дека сум безбедносен ризик“

A1on

Саливан: Израел го поддржува предлогот за прекин на огнот, целта е да се премости јазот со Хамас

Израел: Хамас го отфрли предлогот за примирје