Израел ја отфрла резолуцијата на ОН со која што се повикува САД да ја повлечат одлуката за признавање на Ерусалим за главен град на Израел, изјавија од канцеларијата на премиерот Бенјамин Нетанјаху.
Тие додаваат дека се задоволни од фактот што многу земји не гласаа за поддршка на оваа одлука и се заблагодарија на американскиот претседател Доналд Трамп за недвосмислената позиција во корист на Ерусалим и на земјите кои гласаа заедно со Израел и со вистината.
„Статусот на Ерусалим е прашање за кое треба да се разговара во рамките на блискоисточниот мировен процес, а не да се дефинира од трета страна, посочи на Твитер германското Министерство за надворешни работи.
„Статусот на Ерусалим треба да се реши во рамките на преговори меѓу двете страни. Решението не смее да се наметнува од надвор. Токму од таа причина денеска гласавме за резолуцијата на ОН, која одговара на нашата позиција”, објасни германското министерството.