Израел најави евакуација на жителите кои живеат во 28 градови во близина на границата со Либан. Според израелското Министерство за одбрана, Израелците кои живеат на нешто повеќе од 2 километри од Либан, биле замолени да одат во куќи за гости на други места.
Пограничните судири се чини дека ескалирале меѓу борците на либанскиот Хезболах и израелската армија, предупредија мировниците на ОН. Хезболах вчера ги нападна позициите на израелската армија и пограничното село Штула, додека Израел возврати со удари.