Според досегашните резултати на општите избори во Мјанмар, поранешна Бурма, се навестува дека и тоа што беше речиси невозможно, можеби, и е остварливо. Опозицискатата партија Национална Лига за Демократија (НЛД) до средата навечер потврди избор на 216 патеници во Долниот дом има 179, а во Горниот дом 77 од потврдените 81 избрани пратеници. Пратеничко место, со над 90 отсто гласови во изборна единица во главниот град Јангун освои и лидерот на опозицијата Аунг Сан Су Ќи.
Убедливата победа на НЛД веќе ја честиташе и сегашниот претседател Теин Сеин, кој е на чело на Унијата за солидарност и развој, чија партија, најверојатно, ќе има помалку пратеници во споредба со независните и кандидатите на неклку помали партии. Оваа партија се уште смета дека своето влијание во политиката ќе го остварува преку армиската група во Парламентот. Една четвртина од парламентарците, според Уставот донесен во 2010 година, кога армијата, по 50-годишна диктатура, се согласи со препуштање на власта на цивилниот сектор припаѓа на делегирани пратеници од армијата.
Ако Националната лига за Демократија обезбеди 75 посто пратеници во Парламентот, тоа ќе и даде можност да го менува Уставот. Сегашниот Устав не дозволува Су Ќи да се кандидира за претседател, бидејки била во брак со странец, но нејзината партија ќе добие мандат да формира влада и да предложи претседател, кој се бира од редовите на членови на Паламентот.