Италијанскиот Сенат синоќа ги отфрли двете гласања за недоверба за Владата на премиерот на Матео Ренци, побарани од опозицијата поради скандалот со конфликт на интереси поради што еден министер минатиот месец поднесе оставка, јави ДПА.
Со 183 гласови против, а 96 „за“ беше отфрлен првиот предлог, додека вториот предлог не беше прифатен со 180 гласа „против“ и 93 „за“. Тоа беше очекувано бидејќи Ренци има доволно големо мнозинство за да и парира на опозицијата.
На 31 март министерката за индустрија Федерика Гуиди ја напушти Владата откако беше откриено дека нејзиниот партнер ја убедувал да дејствува во корист на неговиот бизнис. Поради тоа движењето „Пет ѕвезди“ и десничарските опозициски партии поднесоа два одделни предлози за гласање недоверба на Владата.