Италијанската полиција заплени 432 килограми марихуана и 31,5 килограми хашиш во локaлитетот Ле Кесинапо, меѓу местата Сан Каталдо и Сан Фока.
Полицијата интервенирала по добиена анонимна дојава за оставени торби на плажата. Според полицијата, дрогата била наменета за италијанскиот нарко пазар, а била транспортирана од Албанија со моторен чамец.
Заедно со дрогата бил запленет и моторен чамец со должина од пет метри, но нарко-шверцерите успеале да побегнат.
Италијанската полиција во саботата во пристаништниот град Бари заплени 1,27 тони албанска марихуана спакувана во 1177 пакетчиња, која на нарко-пазарот достигнува вредност од 13 милиони евра.
Дрогата била скриена во камион кој пристигнал со траект од Албанија. Полицијата го уапси возачот, кој е албански државјанин.