[staff name=”Eлена Георгиевска” position=”Автор”][/staff]По трите земјотреси кои се случија вчера, во централна Италија затворени се црквите, а привремено се подигнати два шатори за сместување на вознемирените граѓани во местото Сор, близу до Рим.
Земјотресот со јачина од 4, 8 степени според Рихтерова скала, која го погоди Фрозинон, помеѓу Рим и Наполи, на длабочина од 10,7 километри, ги натера луѓето да истрчат на улици, а зградите се тресеа и во центарот на Рим.
По земјотресот кој траеше 10 секунди, во текот на ноќта следеа два мали потреси во близина на Фрозинон и Л’аквил.
Една 63-годишна жена од местото Изол дел Лири, во близина на Сор, добила инфракт во текот на првиот земјотрес и починала во болница.
Италијанската противпожарна служба соопшти дека повредени нема, ниту поголема штета, иако една зграда во Сор е привремено забранета за употреба.
Црквите се затворени, се додека не се извршат неопходните проверки, а два шатори се подигнати за да во нив се сместат жителите кои се плашат да се вратат во своите домови, пренесува „Франс прес“.
-Беше страшно искуство. Во куќите се, се превртуваше. Подигнавме два шатори со греење, за сместување на оние што не сакаат да се вратата во своите домови. Многумина спијат во автомобили – изјави градоначалникот Ернесто Терзиниј.
Во земјотресот со јачина 6,3 степени според Рихтерова скала, што во 2009 година го погоди Л’аквил, загинаа 309 луѓе.