Повеќе од 40.000 жители се евакуирани од крајбрежните делови на источна Индија во очекување на денешиот налет на силен циклон во Бенгалскиот Залив.
Властите ја откажаа прославата на националниот празник во крајбрежните подрачја на сојузните држави Ориса и Андра Прадеш, а според метеоролозите циклонот Фаилин ќе го погоди регионот во текот на вечерта.
Фаилин е многу силен циклон, кој ќе удри со максимална силина од 210 до 220 километри на час. Можна е и појава на големи бранови, но и на циклонска бура.