Џихадисти од групата Исламска држава (ИД) егзекутирале тројца Кинези, кои се бореле на нивна страна во Ирак и Сирија, бидејќи се обиделе да побегнат, пишува кинескиот весник „Глобал тајмс“.
Еден од кинеските исламисти бил осуден од суд на ИД и застрелан во Сирија, а другите двајца се обезглавени во Ирак. Убиствата се извршени во септември и декември минатата година.
Заедно со двајцата кинески џихадисти во Сирија, исламистите обезглавиле уште 11 свои борци од 11 земји. Тие биле обвинети за предавство и обид да избегаат од редовите на групата.
Кинеските власти сметаат дека околу 300 кинески екстремисти се борат во редовите на ИД.