Иранскиот претседател не ја прифати оставката на Зариф

Од:

Иранскиот претседател Хасан Рохани не ја прифати оставката на министерот за надворешни работи Мохамад Џавад Зариф, изјави денеска портпаролот на иранското МНР, Бахрам Касеми.

– Сите интерпретации и анализи околу причините за оставката на министерот за надворешни работи Мохамад Џавад Зариф, освен она што тој го објави на својот налог на Инстаграм, не се точни, и како што истакна денеска шефот на кабинетот на претседателот на Иран, оставката не е прифатена, истакна Касеми.

Иранската агенција ИРНА претходно објави дека шефот на претседателскиот кабинет Махмуд Ваези изјавил дека Рохани го поддржува Зариф, кој во неделата поднесе оставка.

– Зборовите со кои претседателот денеска го пофали својот министер за надворешни работи се јасен знак за задоволство од работата на Зариф и цврст одговор на некои пристрасни и неточни анализи, напиша Ваези на Инстаграм под заедничката фотографија на Рохани и Зариф.

Тој нагласи дека „во очите на Рохани, Исламската република има само една надворешна политика и еден шеф на дипломатијата“.

Би можело да ве интересира

Иранската морнарца за врме на воената вежба забележала неидентификувана подморница

Ана Ололовска

Иран почна воени вежби во Омански Залив

Ана Ололовска

Иран бара од Интерпол да распише црвена потерница по Доналд Трамп

Жарко Настоски

Кина повика на воздржаност во врска со нуклеарната програма на Иран

Жарко Настоски

Иранска Организација за атомска енергија: Иран почна со производство на збогатен ураниум до 20 отсто

Ана Ололовска

Еврокомисијата ќе почека со реакција на иранското збогатување ураниум

Жарко Настоски