Иранскиот претседател го осуди хаосот што се шири со протестите низ земјата

Од:

Иранскиот претседател, Ебрахим Раиси, како неприфатлив го оцени хаосот што го шират протестите што ја зафатија земјата по смртта на младата Иранка Махса Амини, која беше уапсена од полицијата за неморал.

dobivaj vesti na viber

Од средината на септември во задушувањето на протестното движење низ Иран загинаа десетици лица, а постапката на иранските власти досега е осудена од многу земји во светот.

Раиси во интервју за државната телевизија истакна дека во овој случај за власта е важна транспарентноста и дека наскоро ќе го објави конечниот извештај за причината за смртта на младата жена, пренесе Хина.

Тој, меѓутоа, во интервјуто подвлече дека треба да се разликува „протест“ од „бунт“ и дека „со оние кои учествувале во бунтот треба да се постапи решително“.

-Безбедноста на луѓето е црвената линија (…) и никој не може да го прекрши законот и да внесува хаос, што е неприфатливо, посочи Раиси.

„Непријателот цели врз националното единство и сака да ги поттикне луѓето едни против други“, додаде тој, обвинувајќи ги САД, „заколнатиот непријател“ на Исламската Република, дека ги поттикнуваат протестите.

Во многу ирански градови од 16 септември се одржуваат ноќни протести, денот кога во болница почина Махса Амини, а која три дена претходно беше уапсена од полицијата за неморал во Техеран поради непочитување на строгиот ирански кодекс на облекување.

Ова се најголемите протести во Иран од ноември 2019 година, што тогаш беа поттикнати од поскапувањето на горивата, а беа задушени со сила.

Извор: МИА

Би можело да ве интересира

Хјуман рајтс воч: Најмалку 448 лица загинаа во задушувањето на протестите во Иран

Повеќе од 700 затвореници ослободени во Иран поради победата на фудбалерите над Велс на СП

Десет Иранци убиени во нападите на Крим, Украина вели дека ќе убива и повеќе

А1он

Иран распоредува специјални воени сили на границата со Ирак

А1он

Ирак ќе распореди граничари на границата со Иран и со Турција

А1он

Техеран ги затвора училиштата поради висока загаденост на воздухот

Горан Наумовски