Американски финансиски институции се цел на моќни кибернапади, зад кои стојат експерти од Иран. Нападите се одмазда за меѓународните санкции за Техеран.
– Американската влада не се сомнева дека зад нападите стои Иран, изјави експертот за безбедност во виртуелниот простор Џејмс Луис за „Њујорк тајмс“.
Дваесетте најголеми американски банки вчера беа мета на третиот бран кибернапади, за кои одговорноста ја презеде групата хакери „Из ад Дин ал-Касам“.
Експертите наведуваат дека хакерите користат нови методи на напади на интернет-страниците на банките со барања за информација.