Иранскиот министер за одбрана, Мердад Ахлаги, предупреди дека Техеран ќе одговори на секој напад врз својата територија „пропорционално, одлучно и силно“, нагласувајќи дека противниците на Иран нема да можат да го диктираат начинот или времето на иранскиот одговор.
„Оние што ни се закануваат нема да ги одредуваат опсегот, времето или последиците од одбранбениот одговор на Иран“, истакна Ахлаги.
Неговата изјава доаѓа во време на зголемена загриженост поради можноста за обновување на воениот конфликт во кој би биле вклучени Иран, САД и Израел, по извештаите за подготовки за можни нови напади врз иранска територија.
Иранскиот министер за одбрана, Мердад Ахлаги, предупреди дека Техеран ќе одговори на секој напад врз својата територија „пропорционално, одлучно и силно“, нагласувајќи дека противниците на Иран нема да можат да го диктираат начинот или времето на иранскиот одговор.
„Оние што ни се закануваат нема да ги одредуваат опсегот, времето или последиците од одбранбениот одговор на Иран“, истакна Ахлаги.
Неговата изјава доаѓа во време на зголемена загриженост поради можноста за обновување на воениот конфликт во кој би биле вклучени Иран, САД и Израел, по извештаите за подготовки за можни нови напади врз иранска територија. Иранските претставници во повеќе наврати предупредија дека евентуална нова војна со САД би можела да трае подолго од претходниот конфликт, нагласувајќи дека американскиот претседател Доналд Трамп нема да биде тој што ќе одлучува за нејзиното времетраење.
По воените напади што САД и Израел ги извршија врз Иран на 28 февруари, следеа околу 40 дена интензивни борби. Непријателствата постепено стивнаа во текот на април, иако спорадичните напади меѓу двете страни продолжија.
Иако Трамп сè уште нема донесено официјална одлука за започнување нова воена операција, некои извештаи укажуваат на тоа дека американски претставници ги предупредиле земјите од Блискиот Исток да се подготват за можна ескалација и одмазднички напади од страна на Иран.
Обединетите Арапски Емирати изјавија дека се подготвени дури и за најлошото можно сценарио, доколку конфликтот повторно се разгори.
„Се надеваме на дипломатски пробив“, изјави денеска Анвар Гаргаш, дипломатски советник на претседателот на Обединетите Арапски Емирати, на безбедносна конференција во Бахреин.
Тој нагласи дека нова војна не би била во интерес на земјите во регионот.
„Не е во интерес на регионот да помине низ уште една рунда конфликт. Но, сметам дека, како што покажавме и претходно, подготвени сме дури и за најлошото можно сценарио“, изјави Гаргаш, пренесува Ал Џезира.