Иранскиот министер за надворешни работи, Абас Аракчи, ги повика исламските земји да преземат колективни мерки против, како што рече, ескалацијата на кршењата на меѓународното право од страна на Израел.
Во телефонски разговор со генералниот секретар на Организацијата за исламска соработка, Хосеин Брахим Таха, Аракчи се заблагодари за осудата на воената агресија на Израел против Иран, објави иранската државна новинска агенција ИРНА.
Аракчи рече дека нападот на Израел е јасно кршење на меѓународното право и Повелбата на Обединетите нации и претставува сериозна закана за регионалната и глобалната стабилност, додавајќи дека тоа ја истакнува опасноста од неказнивост.
„Оваа неказнивост охрабрува понатамошна агресија и злосторства“, рече Аракчи.
Тој го потврди правото на Иран на самоодбрана, нагласувајќи дека вооружените сили се подготвени да го бранат суверенитетот на земјата.
Генералниот секретар на Организацијата за исламска соработка изрази длабока загриженост поради израелските напади и ја осуди воената ескалација.
Тах рече дека организацијата ќе соработува со Обединетите нации за да мобилизира меѓународна поддршка и да спречи регионот да потоне во подлабока нестабилност.